მიზნობრივი პროგრამები კრებულის სახითაც გამოიცა
აჭარის მთავრობის თავმჯდომარეს, აჭარის ფინანსთა და ეკონომიკის მინისტრს, უმაღლესი საბჭოს საფინანსო–საბიუჯეტო კომიტეტს და აჭარის ხუთი მუნიციპალიტეტის (ქობულეთის, ხელვაჩაურის, ქედის, შუახევის, ხულოს) საკრებულოს თავმჯდომარეებს და გამგებლებს ახალგაზრდა მეცნიერთა კავშირმა "ინტელექტი" იმ მიზნობრივ პროგრამათა კრებულები გადასცა, რომელიც პროექტის "თემთა მობილიზაციის ინიციატივა" ფარგლებში მომზადდა.
მიზნობრივი პროგრამები იმ პრობლემებზე შეიქმნა, რომლებიც 63 თემში ჩატარებული კრებებზე გამოვლინდა. კრებების მთავარი მიზანი იყო პრობლემების გამოკვლევა, მათი მოგვარების გზების ძიება და ადგილობრივ ბიუჯეტებში მათი გათვალისწინება.
P.S დაინტერესებულ მკითხველს აღნიშნული მიზნობრივი პროგრამების სრული ვერსიის ხილვა ჩვენს ვებ–გვერდზეც შეუძლია.